രാജ്യത്തെ മുന്നൂറിലധികം വരുന്ന പൊതുമേഖലാ സ്ഥാപനങ്ങളെയാകെ തകർക്കുന്നതിനുള്ള നയങ്ങളാണ് മോദി ഭരണകൂടം നടത്തിക്കൊണ്ടിരിക്കുന്നത്. ഇതിൽ ബി.എസ്.എൻ.എൽ ഒന്നാം സ്ഥാനത്തായി നിൽക്കുന്നുണ്ട്. ആഗോളവൽക്കരണത്തിന് ശേഷം ഘട്ടം ഘട്ടമായി ഇന്ത്യയിലെ ടെലികോം വകുപ്പിനെ തകർക്കാൻ മാറി മാറി വന്ന കോൺഗ്രസ്-ബിജെപി ഭരണകൂടങ്ങൾ ശ്രമിച്ചുകൊണ്ടിരിക്കുകയാണ്. ഏതൊക്കെ രീതിയിലാണ് ബി എസ് എൻ എലിനെ തകർക്കാൻ കേന്ദ്രസർക്കാർ ശ്രമിച്ചതെന്നും വി ആർ എസ് നടപ്പിലാക്കാൻ ശ്രമിക്കുന്നതെന്നും ബി.എസ്.എൻ.എൽ എംപ്ലോയീസ് യൂണിയൻ സ്ഥാപക ജനറൽ സെക്രട്ടറിയായ വി.എ.എൻ നമ്പൂതിരി വിശദീകരിക്കുകയാണ് അപ്ഫ്രണ്ട് സ്റ്റോറീസിലൂടെ.
